23 дек 08:35
Янгиликлар

Теннис

Санжар Файзиев Анталия турнири чемпиони бўлди!

Туркиянинг Анталия шаҳрида давом этаётган теннис бўйича “Фьючерс” туркумига кирувчи турнир якунланиш арафасида.

Соврин жамғармаси 15 000 АҚШ долларини ташкил қилувчи мусобақада ҳамюртимиз Санжар Файзиев ҳам муваффақияли тарзда иштирок этди. Яккаликда ярим финалга қадар етиб келган теннисчимиз жуфтлик мусобақасида чемпионга айланди.

Россиялик Маркос Калоелонис билан биринчи рақамли жуфтликни ҳосил қилган мамлакатимизнинг иккинчи ракеткаси кечанинг ўзида иккита жуфтлик учрашувида кортга чиқди. Ярим финалда туркиялик Ченгиз Аксу ва Жан Каядан иборат тўртинчи рақамли жуфтлик 6:4, 6:4 ҳисобида мағлуб этилди.

Ҳал қилувчи финалда эса Файзиев ва Каловелонис иккинчи рақамли жуфтлик - чехиялик Тадеас Пароулек ҳамда украиналик Олег Приходко ҳамкорлигидан 7:5, 3:6, катта тай-брекда 10:6 ҳисобида устун келишди.