Сергей Фомин Анталиядаги турнирда 1/4 финалга чиқди

Мукофот жамғармаси 15 000 АҚШ долларини ташкил этувчи ушбу мусобақада ҳамюртимиз Сергей Фомин ҳам ўз омадини синаб кўряпти. Мамлакатимизнинг иккинчи ракеткаси илк босқичда туркиялик Мерт Оздемирни 7/6, 6/0 ҳисобида мағлуб этганди.

Бироз аввал якунига етган 1/8 финал баҳсида руминиялик Драгош Казаку ҳам доғда қолдирилди. Бу сафар Фомин камбэк эвазига ғалаба қозонди. Турнирда еттинчи рақам остида таснифланган Сергей 2 соату 6 дақиқа давом этган учрашувда 6:2, 4/6, 6:3 ҳисобида зафар қучди. Фомин учинчи сетнинг тўртинчи геймидан кейин 1/3 ҳисобида ютқазаётганди. Брейк эвазига рақибининг геймини ютиб олган ҳамюртимиз кейин мувозанатни тиклади ва якунда ғалабани илиб кетди.   

Таққослаш учун, Сергей Фомин айни пайтда дунё рейтингида 564, Казаку 827-ўринни эгаллаб турибди. Бу теннисчиларнинг ўзаро ўтказган илк учрашуви эди. 2023 йилнинг 3 май куни ўтган илк тўқнашувда руминиялик теннисчи ғалаба қозонганди. Энди вакилимиз 1/4 финалда турнирнинг учинчи ракеткаси италиялик Александр Вейсга қарши кортга чиқади. Вейс ATP рейтингида 447-поғонадан жой олган.