13 ноя 18:09
Янгиликлар

Теннис

Сергей Фомин Баҳрайндаги турнирда 1/4 финалга йўл олди

Баҳрайн пойтахти Манама шаҳрида теннис бўйича M25 тоифасига кирувчи турнир бўлиб ўтмоқда.

Унда ҳамюртимиз Сергей Фомин ҳам ўз маҳоратини намойиш этяпти. Мамлакатимизнинг иккинчи ракеткаси бироз аввал мусобақанинг чорак финал иштирокчисига айланди. Турнирда тўртинчи рақам остида таснифланган Фомин 63 дақиқа давом этган 1/8 финалда руминиялик Владислав Мельникни ортиқча қийинчиликсиз таслим этди - 6/1, 6/2.

Таққослаш учун, Фомин ATP рейтингида 404, Мельник эса 2159-поғонадан жой олган. Эртага вакилимиз чорак финалда германиялик Нино Эхреншнейдерга қарши кортга чиқади. Нино рейтингнинг 585-поғонасидан жой олган.