20 май 12:38
Янгиликлар

Теннис

Сергей Фомин босниялик рақиби олдида ожиз қолди

Туркиянинг Истанбул шаҳрида теннис бўйича Challenger 75 тоифасига кирувчи турнир бўлиб ўтмоқда.

Мукофот жамғармаси 107 000 АҚШ долларини ташкил этувчи турнирда ҳамюртимиз Сергей Фомин ҳам ўз омадини синаб кўрди. Мамлакатимизнинг биринчи ракеткаси илк даврада Босния ва Герцеговиния вакили Андрей Недичга қарши кортга чиқиб, 4/6, 2/6 ҳисобида имкониятни бой бериб қўйди.

Таққослаш учун, Фомин айни пайтда ATP рейтингида 292, 21 ёшли Недич 277-ўринни эгаллаб турибди. Андрей учрашув давомида 5, Сергей 1 та эйс зарбани амалга оширган. Бу теннисчиларнинг ўзаро ўтказган иккинчи учрашуви бўлди - 1:1. Бир ой олдин Шимкентда ўтган илк учрашувда Фомин уч сет натижасига кўра зафар қучган эди.