Сергей Фомин ниҳоят бешинчи уринишда япон рақибини ютди

Ҳамюртимиз Нонтхабури шаҳрида ўтаётган Challenger 50 тоифасига кирувчи, мукофот жамғармаси 63 000 долларга ташкил этувчи турнирда ўз омадини синаб кўрмоқда. Фомин бироз аввал якунига етган 1/16 финал учрашувида қийин ғалабани қўлга киритди. 

У япониялик Рента Токудани 2 соату 26 дақиқа давом этган баҳсда 7/5, 3/6, 7/5 ҳисобида доғда қолдирди. Учрашувда Фомин 10, Токуда эса 6 та эйс зарбасини амалга оширган. Қўшхатолар Сергейда кўп бўлди - 6 га 1. Фомин ўзаро бешинчи учрашувга келибгина япониялик рақибини мағлуб этишни уддалади. Бундан аввалги тўртта учрашувда Токуданинг қўли баланд келганди. 

Энди 24 яшар Сергейга нимчорак финал босқичида франциялик 22 ёшли Робер Бертранд рақиблик қилади. Айни дамда Сергей Фомин ATP рейтингида 340, Бертранд эса 302-ўринни эгаллаб турибди.