25 апр 16:18
Янгиликлар

Теннис

Сергей Фомин — Shymkent Challenger чемпиони!

Мамлакатимизнинг биринчи ракеткаси Сергей Фомин ҳозиргина Қозоғистоннинг Шимкент шаҳрида якунига етган Challenger 50 тоифасига кирувчи турнир ғолибига айланди.

Ҳамюртимиз мукофот жамғармаси 63 000 АҚШ долларини ташкил этган турнирнинг ҳал қилувчи финал учрашувида мусобақанинг биринчи ракеткаси, айни пайтда ATP рейтингида 198-ўринни эгаллаб турган қозоғистонлик Тимофей Скатовни 6/3, 7/5 ҳисобида мағлубиятга учратди.

Бир соату 52 дақиқа давом этган баҳсда ҳар икки теннисчи 4 тадан эйс зарбасини амалга оширди. Дунёнинг 359-ракетаси бўлиб турган Фомин биттагина қўшхатога йўл қўйди. Скатовда бу салбий кўрсаткич 6 тани ташкил қилди. Бу икки қардош теннисчининг ўзаро ўтказган илк учрашуви сифатида тарихга кирди.