Сергей Фомин Туркияда ўзидан 820 поғона пастдаги теннисчига ютқазди

Ушбу мусобақада ҳамюртимиз Сергей Фомин ҳам ўз омадини синаб кўраётгани ва илк босқичда ғалабага эришгани ҳақида хабар бергандик. Мамлакатимизнинг иккинчи ракеткаси бугун мусобақанинг иккинчи даврасида кортга чиқди. 

Ушбу босқичда ҳамюртимизга франциялик Томас Фаурел рақиб бўлди. 2 соат 4 дақиқа давом этган ўйинда Фомин афсуски 6:7, 1:6 ҳисобларида имкониятни бой берди ва иштирокини якунлади. 

Таққослаш учун, Сергей Фомин айни пайтда дунё рейтингида 543, Фаурел эса 1363-ўринни эгаллаб турибди.