10 апр 14:53
Янгиликлар
Теннис
Сергей Фоминнинг муваффақиятли юриши давом этмоқда: у Анталиядаги учинчи турнирида чорак финалга йўл олди
Туркиянинг Анталия шаҳрида М25 тоифасига кирувчи ITF теннис турнири бўлиб ўтмоқда.
Учинчи ҳафтадирки, ҳамюртимиз Сергей Фомин Туркиянинг ушбу курорт шаҳрида ташкил этилаётган турнирда муваффақиятли иштирок этяпти. У аввалига чемпион бўлди, уч кун аввал эса вице-чемпионга айланди.
Кеча у мазкур турнирдаги илк ўйинда чехиялик Ян Кумстатни мағлуб этганди. Бугун эса иккинчи даврада бошқа бир чехиялик теннисчи Зденек Коларга қарши кортга чиқди.
2 соат 7 дақиқа давом этган ўйинда Фомин 7:6, 6:4 ҳисобларида ғалаба қозонди ва чорак финалга йўл олди
Таққослаш учун, Фомин айни пайтда дунё рейтингида 499-ўринни, Колар эса 418-ўринни эгаллаб турибди.
Энди у эртага чорак финалда хорватиялик Лука Микрутга (317) қарши ўйин ўтказади.
Ҳавола :
Манба : olamsport.com
Фикрлар