18 авг 17:54
Янгиликлар

Бокс/ММА

Сехудо Махачевни ММА тарихидаги энг буюк жангчи деб ҳисобламайди

UFC`нинг икки вазн тоифасидаги собиқ чемпиони Генри Сехудо россиялик Ислам Махачевни аралаш яккакурашлар (ММА) тарихидаги энг буюк спортчи деб аташга ҳали эрта эканлигини айтди.

"Махачевни аллақачон барча замонларнинг энг буюк жангчиси деб аташ бироз шошма-шошарлик бўлади. Ҳозирча мен бу мақомни Жон Жонсга бераман. Агар Ислам яна кўп йиллар давомида жанг қилишда давом этса ва ўзининг энг юқори даражасини кўрсатса, у бу мақомга даъвогарлик қилиши мумкин. Аммо мен буни содир бўлишига ишонмайман", — дея Сехудонинг сўзларини келтиради ММА Junkie нашри.

Филадельфияда бўлиб ўтган UFC 330 турнирининг асосий жангида Махачев Йен Мачадо Гэррини ҳакамларнинг якдил қарори билан мағлуб этди. 34 ёшли россиялик учун бу ғалаба ярим ўрта вазн тоифасида UFC чемпионлик камарини биринчи марта ҳимоя қилиши бўлди.