Шаҳобиддин Зоиров ва Мадияр Саидраҳимов рингга чиққадиган IBA.PRO 13 турнирининг тўлиқ карди тасдиқланди

Унда биринчи оғир вазн тоифасида собиқ жаҳон чемпиони россиялик Мурат Гассиев супероғир вазнда чемпионлик камари учун собиқ даъвогар болгариялик Кубрат Пулевга қарши рингга кўтарилади. Ўн икки раундлик жанг ғолиби WBA Regular камарини қўлга киритади.  

Биз учун аҳамиятлиси, IBA.PRO 13 турнири доирасида ўзбекистонлик икки боксчи ҳам ўзларининг навбатдаги жангларини ўтказади. Ўта енгил вазн тоифасида 10 раунд этиб белгиланган жангда Олимпиада чемпиони Шаҳобиддин Зоиров (5-0, 3 КО) венесуэлалик Йоэль Финоль (3-0, 1 КО)га қарши рингга чиқади. Жанг IBA.PRO камари учун кечади. Бу икки боксчи Рио-2016 Олимпиадаси финалида ўзаро тўқнаш келишган ва ўшанда чарм қўлқоп устамиз ғалаба қозонган эди. 

Дубайдаги проф бокс оқшоми доирасида яна бир ҳамюртимиз Мадия Саидраҳимов (3-0, 1 КО) ҳам професионал рингдаги жангини ўтказади. Биринчи оғир вазн тоифасидаги боксчимиз 8 раундлик жангда россиялик Давид Дзукаев (11-0, 7 КО) билан ҳисоб-китоб қилади.  

Турнирнинг тўлиқ карди:

1. Аёллар енгил вазн тоифаси, 8 раунд: Эстель Моссели (Рио-2016 Олимпиадаси чемпиони, 11-0-1, 1 КО, Франция) – Эллен Симвака (13-7-2, 8 КО, Малави);

2. Иккинчи ўта енгил вазн, 8 раунд: Самуэль Кармона (13-1, 5 КО, Испания) – Иммануэль Жозев (17-4-1, 7 КО, Намибия);

3. Биринчи оғир вазн, 8 раунд: Давид Дзукаев (11-0, 7 КО, Россия) – Мадияр Саидраҳимов (3-0, 1 КО, Ўзбекистон);

4. Енгил вазн, 10 раунд, WBA Intercontinental камари учун: Дауд Алаев (13-1, 7 КО, Россия) – Доди Бой Пьньялоса (31-7-3, 13 КО, Филиппин);

5. Ярим ўрта вазн, 10 раунд, WBA Intercontinental камари учун: Хусейн Байсангуров (25-1, 20 КО, Россия) – Файзан Анвар (20-0, 9 КО, Ҳиндистон); 

6. Супероғир вазн, 8 раунд, IBA.PRO Intercontinental камари учун: Артём Сусленков (13-0, 8 КО, Россия) – Стэнли Райт (14-1, 11 КО, АҚШ);

7. Ўрта вазн, 8 раунд: Нико Али Уолш (11-2-1, 5 КО, АҚШ) – Жеремая Ссервадда (12-4-1, 9 КО, Уганда).

8. Ярим ўрта вазн, 12 раунд, IBO чемпионлик камари учун: Вадим Мусаев (13-0, 8 КО, Россия) – Тулани Мбенге (22-2, 16 КО, ЖАР);

9. Биринчи ярим ўрта вазн, 12 раунд, WBA камари учун Элиминатор жанги: Харитон Агрба (16-1, 9 КО, Россия) – Рубен Муньоз (18-2, 14 КО, Аргентина).

10. Ўта енгил вазн, 10 раунд, IBA.PRO камари учун: Йоэль Финоль (3-0, 1 КО, Венесуэла) – Шаҳобиддин Зоиров (5-0, 3 КО, Ўзбекистон). 

11. Енгил вазн, 10 раунд, WBA камари учун Элиминатор жанги: Баҳодур Усмонов (11-0, 5 КО, Тожикистон) – Макси Хьюз (29-7-2, 6 КО, Буюк Британия);

12. Супероғир вазн, 12 раунд, WBA Regular камари учун: Мурат Гассиев (32-2, 25 КО, Россия) – Кубрат Пулев (32-3, 14 КО, Болгария).