01 фев 16:17
Янгиликлар

Бокс/ММА

Шакур Стивенсон - Теофимо Лопес чемпионлик жанги тўлиқ 12 раунд давом этди

Бугун АҚШнинг Нью-Йорк шаҳридаги муҳташам "Мэдисон Сквер Гарден" аренада профессионал бокс турнири бўлиб ўтди.

Оқшом доирасида мағлубият нималигини билмай келаётган енгил вазнда WBC чемпиони, америкалик 28 ёшли Шакур Стивенсон биринчи ярим ўрта вазн тоифасида WBO чемпиони Теофимо Лопесга қарши рингга кўтарилди. Узоқ кутилган чемпионлик жанги тўлиқ 12 раунд давом этди ва унда Шакур ҳакамларнинг якдил қарори билан ғалаба қозониб, тўртинчи вазн тоифасида жаҳон чемпионига айланди.

Аксарият мутахассислар рақобатли жанг бўлишини кутишганди, аммо Стивенсон жангда дарҳол устунликни қўлга киритди. У икки вазнда 28 ёшли жаҳон чемпиони Лопесга имконият қолдирмади. Якунда Шакур Стивенсон ҳакамларнинг уччала карточка бўйича 119-109 ҳисобидаги ғалабаси билан зафар қучди. Бу билан у шубҳасиз, дунёнинг энг яхши боксчилари (P4P) рейтингидаги ўрнини яхшилаб олади.