30 июн 19:28
Янгиликлар

Бокс/ММА

Шавкат Раҳмоновнинг синглиси Дана Уайтнинг даъвогарлар лигасида жанг қилади

26 сентябрь куни Лас-Вегасдаги UFC Apex аренасида UFC президенти Дана Уайтга тегишли даъвогарлар сериясининг навбатдаги босқичи бўлиб ўтади.

Мазкур серияда қозоғистонлик 25 ёшли Сора Раҳмонова (4-1-0) ҳам жанг қилади. Сорага ўша куни Литва вакиласи Эрнеста Каречкайте (4-0-1) рақиблик қилади.

Маълумот учун, Сора Раҳмонова қозоғистонлик таниқли UFC жангчиси Шавкат Раҳмоновнинг синглиси ҳисобланади. У проф фаолиятидаги барча жангларини Қозоғистоннинг Naiza лигасида ўтказган эди. Эрнеста эса фаолияти давомида ММАдан ташқари бокс ҳамда кикбоксда ҳам бир қанча жанглар ўтказган, аҳамиятлиси, у проф фаолияти давомида умуман мағлубиятга учрамаган.