Шавкат Рахмоновнинг жамоадоши UFC рейтинги пешқадами чақирувига жавоб беришди

— Бир қарасанг Бакли чақирув ташлайди, кейин Маддалена. Ростини айтсам, ҳозирча Шавкатнинг жанглари бўйича аниқ маълумот йўқ. На жамоада, на менежер Саятда. Ҳеч қандай таклиф ҳам, сана ҳам йўқ.

Маддалена билан жанг эса яхши вариант, у собиқ чемпион. Қизиқ бўларди. Унинг имкониятлари қандай? Бу — ММА, панчерда ҳар доим имконият бўлади. Маддаленанинг бокси яхши, курашдан ҳимояси ҳам яхши. Менимча, у ҳимояни Ислам билан жанггача яхши кўрсатаётган эди.

Менинг фикримча, Маддалена Исламга қарши жанг олдидан жуда қаттиқ ҳаяжонланди. Face to face маросимидаёқ бу кўриниб турган эди. Жангда у ўзига ишончсиз ҳаракат қилди, очила олмади ва деярли бутун жангни Исламнинг тагида ўтказди. Махачев ишончли, доминант услубда ғалаба қозониб, 77 кг вазнда кучли жангчилар кўп эканини, аммо улар биз ўйлагандек кучли эмаслигини кўрсатди.

Мен ярим ўрта вазндаги бошқа кучли жангчиларнинг сифатларини камситмаяпман, лекин бир паст вазндан чиққан инсон келиб, чемпионни шундай доминант услубда синдириб ташлади. Бу эса 77 кгда яхши йигитлар бор, аммо улар жуда юқори даражада эмаслигини кўрсатди. Бу Шон Брэдига ҳам, Маддаленага ҳам, Билолга ҳам, маълум даражада Иэн Гэррига ҳам тааллуқли. Ислам йўқ пайтда улар монстр эди, аммо Ислам келганидан кейин қаергадир ғойиб бўлишди", — деди Эдуард Базров.