Шахматчиларимиз FIDE аёлар Жаҳон кубогидаги иштироклари муваффақиятли бошлашди

Ушбу нуфузли мусобақада Ўзбекистон терма жамоасининг уч нафар етакчи вакилалари ҳам баҳс олиб боришяпти. Икки шахматчимиз Жаҳон кубоги биринчи босқичининг ҳар икки учрашувида ғалаба қозониб, иккинчи даврага йўл олди. 

Гулруҳбегим Тоҳиржонова кубалик аёл гроссмейстер Ерисбел Миранда Лаленсни, Афруза Ҳамдамова перулик Фиорелла Контрерас Ҳуамманни 2:0 ҳисобида таслим этди. Умида Омонова эса франциялик рақибаси Софи Миллиет билан дуранга имзо чекди. Шахматчилар биттадан партияда ғалаба қозонишган. Бугун улар тай-брекда кейинги босқич тақдирини ҳал қилишади.