Шевазуцкий: "Менга жангга атиги 5 кун вақт қолганида шартнома юборишди"

У 5 апрель куни Астана шаҳрида (Қозоғистон) бўлиб ўтган бокс оқшоми доирасида ўзбекистонлик Баҳодир Жалоловга очколар ҳисоби бўйича мағлуб бўлганди.

"Менга жангга атиги 5 кун қолганида шартнома юборишди. Бу жанг учун машғулот қила олмадим. Астанага эса жангга бир кун қолганида етиб келдим. Лекин мен бу ерга ютқазиш учун келмагандим. Дунёдаги энг яхши оғир вазнли боксчилардан бирига қарши рингга чиқиш мен учун катта шараф. Жамоамга, Баҳодир Жалоловга ва Қозоғистондаги мухлисларга катта раҳмат айтаман!", деди Игорь.