Шукуржон Раҳимов бугунги жанги олдидан нималар деди?

Мурат Гассиев жамоаси таркибида иштирок этаётган Шукуржон Раҳмимов сайтимиз учун жанг олди фикрларини билдириб ўтди:

"Жангга тайёргарлик яхши бўлди. Янги йил байрамини ҳам машғулот билан ўтказдик. Худо хоҳласа, жангда натижа ҳам яхши бўлади. Рақибимни ўрганиб чиқдим. У чапақай, яхши натижаларга  эришган боксчи. 1 ой давомида диетолог назоратида бўлдик. 8 кг.га яқин вазн ташладим. Бу ерда ҳар куни тонгда вазнимизни ўлчаймиз. Албатта, вазн ташлашда қийинчиликлар бўлади. Бу ерга оддий спортчилар келмаган. Рақибим ҳам ўзига яраша кучли" - деди Шукуржон Раҳимов.

Эслатиб ўтамиз, жанглар бугун соат 21:30 дан бошлаб «Матч ТВ» канали орқали жонли транслация қилинади. Бокс оқшомининг илк жуфтлигида айнан Шукуржон Раҳимов Ара Габоянга қарши жанг ўтказади. 

Бундан ташқари, бошқа бир ҳамюртимиз Одилжон Аслонов ҳам мезбон боксчи Андрей Ефременкога қарши рингга кўтарилади. "Olamsport.com" сайти ҳар иккала боксчимизга омад тилайди.

Хуршида Абдиқулова суҳбатлашди