Sinquefield Cup 2025. Нодирбек Абдусатторов антирекорд сари юзланмоқда

Grand Chess Tour’нинг якуний классик босқичи 29 августга қадар давом этади ва айланма тизимда 9 турдан иборат бўлади. Ушбу босқич GCT очколари учун сўнгги имконият ҳисобланади. Дунёнинг кўзга кўринган ва рейтинги юқори бўлган 10 нафар гроссмейстери қатори ҳамюртимиз Нодирбек Абдусатторов (2771) ҳам совринли ўринлар учун баҳс олиб бормоқда. 

Афсуски, гроссмейстеримиз ўтказилган 4 та учрашувнинг 3 тасида рақибларига имкониятни бой берди. Фақат 3-турда ҳиндистонлик Рамешбабу Праггнанандҳа (2779) билан дурангга имзо чекди. Нодирбек америкалик Левон Аронян, амалдаги жаҳон чемпиони Гукеш Доммараджу ва кеча 4-турда америкалик Фабиано Каруанадан аламли мағлубиятни қабул қилиб олди. Тўртинчи турининг қолган барча партияларида томонлар дурангга имзо чекишди.

Бугун Sinquefield Cup 2025 турнирининг 5-турида ҳамюртимиз қора доналарда америкалик Сэм Севианга қарши баҳс олиб боради. Севиан 2 очко билан 8, Нодирбек эса 0,5 очко билан охирги 10-ўринни эгаллаб турибди. Бешинчи тур учрашувлари ҳам бизнинг вақт билан соат 22:00да бошланади. Турнир жадвалида 5-тур олдидан Фабиано 3 очко билан якка пешқадам бўлиб олди. Левон Аронян ва Рамешбабу Праггнанандҳа ҳисобида 2,5 очкодан бор.

Sinquefield Cup 2025. 4-тур натижалари:

Уэсли Со (АҚШ) - Алиреза Фирузджа (Франция) 1/2-1/2

Левон Аронян (АҚШ) - Ян-Криштоф Дуда (Польша) 1/2-1/2 

Гукеш Доммараджу (Ҳиндистон) - Максим Вашье-Лаграв (Франция) 1/2-1/2

Рамешбабу Праггнанадҳа (Ҳиндистон) - Сэм Севиан (АҚШ) 1/2-1/2

Нодирбек Абдусатторов (Ўзбекистон) - Фабиано Каруана (АҚШ) 0-1 

Sinquefield Cup 2025. 5-тур жуфтликлари:

Ян-Криштоф Дуда (Польша) - Гукеш Доммараджу (Ҳиндистон)

Фабиано Каруана (АҚШ) - Уэсли Со (АҚШ) 

Сэм Севиан (АҚШ) - Нодирбек Абдусатторов (Ўзбекистон) 

Алиреза Фирузджа (Франция) - Левон Аронян (АҚШ)

Максим Вашье-Лаграв (Франция) - Рамешбабу Праггнанадҳа (Ҳиндистон)