Соболенко Майами WTA 1000 амалдаги чемпионини мағлуб этди

Сайёрамизнинг биринчи ракеткаси Арина Соболенко тўртинчи давра учрашувида мусобақанинг амалдаги чемпиони, WTA рейтингида 15-поғонадан жой олган америкалик Даниэль Коллинзни мағлуб этишни уддалади - 6/4, 6/4. 

Теннис маликаларининг ўзаро учрашувида мутлақ устунлик беларуслик теннисчи томонида - 7:0. Етмиш тўққиз дақиқа давом этган баҳсда Соболенко 7 та эйс, 3 та брейк қайд этиб, қўшхатога йўл қўймади. Энди у 1/4 финалда дунёнинг тўққизинчи ракеткаси, хитойлик Чжэн Циньвэнга қарши кортга чиқади.