03 янв 17:26
Янгиликлар
Сочида мусобақа бошланди. Унда ўзбек боксчилари ҳам иштирок этишади
Ушбу мусобақада тўртта жамоа иштирок этмоқда.
Улар - Мурат Гассиев, Дмитрий Бивол, Султан Ибрагимов ва Эдуард Трояновский жамоаларидир.
Эътиборлиси, Мурат Гассиев жамоаси таркибида икки нафар ўзбекистонлик боксчи - Шукуржон Раҳимов (-59 кг) ва Одилжон Аслонов (-75 кг) иштирок этади. Йигитларимиз Сочига мураббий Равшан Ходжаев бошчилигида жўнаб кетишган.
Беллашувлар 4 раунддан иборат бўлади. Турнирнинг соврин жамғармаси 10 миллион рублни ташкил этади. Жанглар "Матч Боец" телеканали орқали намойиш этилади.
"Ўзбекистонлик боксчилар 5 январь куни рингга кўтарилишлари кутилмоқда. Ўша куни соат 21:30 дан сўнг жанглар бошланади. Дастлабки жуфтликда Шукуржон Раҳимов жанг қилади.
Мусобақада Россиянинг профессионал боксчилари қатнашади. Баҳсларни 15 нафар ҳакам баҳолайди. Уч нафар ҳакам ринг ва унинг олдида ишласа, 12 нафар ҳакам онлайн равишда жангларни баҳолайди. Йигитларимиз Мурат Гассиев жамоасида жанг қилишади.
Ушбу жанглар BoxRec тизимига киритилмайди (Боксчиларнинг профессионал жанглари қаторига қўшилмайди - Olamsport)", - деди мураббий Равшан Ходжаев сайтимиз мухбири билан суҳбатда.
Фикрлар