Sofia Open. Гаэль Монфис ғалаба билан бошлади

Турнирда биринчи рақам остида таснифланган франциялик теннисчи сербиялик Виктор Троицкига қарши кортга чиқди. Бир дақиқаси кам бир соат давом этган баҳсда Монфис рейтингда 185-ўринни эгаллаб турган сербиялик Виктор Троицкини 6/3, 6/4 ҳисобида мағлуб этди. 

32 ёшли Монфис 9та, 33 яшар Троицки эса 8та эйс зарбасини амалга оширди. Энди Гаэл Sofia Open турнирининг кейинги босқичида сербиялик Ласло Дьере ҳамда қозоғистонлик Михаил Кукушкин учрашуви ғолиби билан тўқнаш келади.