02 мар 15:44
Янгиликлар

Теннис

София Кенин Мексика турнири финалида ўйнайди

Дунёнинг 35-ракеткаси София Кенин Мексиканинг Акапулько шаҳрида якунига етиб бораётган турнирнинг финалига чиқди.

Америкалик теннисчи Abierto Mexicano Telcel мусобақасининг ярим финалида канадалик Бьянка Андреескудан устун келди. Кенин рейтингнинг 71-поғонасидан жой олиб турган рақибасини 6/4, 3/6, 7/5 ҳисобида енгди.

Учрашув 2 соату 14 дақиқа давом этди. Икки теннисчи ўртасидаги ўзаро учрашувлардаги ҳисоб тенглашди - 1:1. Бугун София Акапулько турнири бош мукофоти учун хитойлик Ван Яфанга қарши кортга чиқади.