30 янв 08:24
Янгиликлар

Теннис

St.Petersburg Ladies Trophy. Остапенко ғалаба билан бошлади

Хабар берганимиздек, Россиянинг Санкт-Петербург шаҳрида хотин-қиз теннисчилар ўртасида нуфузли турнир бўлиб ўтмоқда.

Сайёрамизнинг 22-ракеткаси Елена Остапенко Питер турнирини ғалаба билан бошлади. Латвиялик теннисчи биринчи босқичда франциялик Кристин Младеновични 6/1, 0/6, 6/0 ҳисобида доғда қолдирди.

Учрашув 1 соату 22 дақиқа давом этди. 21 ёшли Остапенко иккита эйс зарбасини амалга оширди. Икки теннисчи ўртасидаги ўзаро учрашувлардаги ҳисоб тенглашди - 1:1. Энди Елена иккинчи даврада россиялик Анастасия Павлюченковага қарши кортга чиқади.