St.Petersburg Ladies Trophy. Петра чемпионлик ҳимоясига киришди

Мусобақанинг амалдаги ғолибаси Петра Квитова чемпионлик ҳимоясини муваффақиятли бошлади. У тўғридан-тўғри иккинчи даврадан баҳсларга киришди. Петра бу босқичда беларуслик Виктория Азаренкони мағлуб этди. 

Дунёнинг собиқ биринчи ракеткасига қарши кечган ва 1 соату 39 дақиқа давом этган учрашувда Квитова 6/2, 7/6(3) ҳисобида зафар қучди. Энди чехиялик теннисчи 1/4 финалда хорватиялик Донна Векичга қарши кортга чиқади.