Супероғир вазн: Ким энг яхши боксчи бўлади? Янги йилда бизни нималар кутмоқда?

Усик ушбу ғалабаси орқали, деярли барча камарга эга чиқди. Эндиликда камарларсиз қолган Жошуа ўз титулларини ва олдинги даражасини қайтариб ола биладими? Хўш! Реванш бўладими ёки камарларга эга чиққан Усик WBC чемпиони Тайсон Фьюри билан тўқнаш келадими?

2022 йил бизни нималар кутмоқда? Оғир вазнда ким мутлақ чемпионга айланади? Бир жангнинг ўзида 4та камарни қўлга киритган Усикми ёки WBC камарини Уайлдердан химоя килган Фьюрими? Бу икки чемпион ўзаро тўқнаш келадими?

Усик ҳамда Жошуа ўртасидаги реванш жанги 2022 йилнинг биринчи ярмида ўтказилиши режалаштирилмоқда. Жошуанинг ўз уйидаги мағлубиятидан кейин, супероғир вазн янада қизиқарли тус ола бошлади. Реванш бўлмаган тақдирда ҳам мухлислар зерикиб қолмайди. Бунга сабаб британиялик яна бир жангчи - Тайсон Фьюри. 

Усик Тайсонга қарши. Бу ҳозирги даврнинг энг асосий жанги бўлиши мумкин. Чунки, бу жангдаги ғолиб супероғир вазннинг мутлақ чемпиони бўлиб, барча камарларни қўлга киритади ва тарихда ўчмас из қолдириш имкониятига эга. 

Лекин Жошуа Усик билан реванш килиши ва камарларини кайтаришга ҳаракат қилиши аниқ. 

Бу ҳолда Фьюрига рақиб Александр Поветкинни нокаутга учратган Диллиан Уайт бўлиши мумкин. Уайт проффесионал боксда 30 та жанг ўтказиб, шунинг 19тасини нокаутли ғалаба билан тугатган. Иккита жангда эса имкониятни бой берган. Мутлақ чемпионликни мақсад қилган Фьюри Диллиан Уайт билан жанг қилиши эҳтимоли ҳам йўқ эмас. 

Келгуси йил супероғир вазнда бизни ақл бовар қилмас жанглар кутиб тургани аниқ. Катта эҳтимол билан аср жанги гувоҳи бўлишимиз ҳам мумкин. Буни вақт кўрсатади.

Янги йилда дунёни ларзага соладиган жангларни кўришга тайёр туринг қадрдон бокс мухлислари.

Камрон Ҳасанов тайёрлади