SuperUnited Rapid & Blitz Croatia 2026. Абдусатторов Праггни мағлуб этди

Grand Chess Tour’нинг учинчи босқичи ҳисобланган SuperUnited Rapid & Blitz Croatia 2026 турнирида ҳамюртимиз Нодирбек Абдусатторов ҳам иштирок этяпти. Мусобақа рапид ва блиц бўйича ўтказилаётган бўлиб, 10 нафар гроссмейстер бош соврин учун баҳс олиб бормоқда. 

Турнир иштирокчилари: Нодирбек Абдусатторов, Алирежа Фирузджа, Максим Вашье-Лаграв (иккиси ҳам Франция), Рамешбабу Праггнанандҳа, Гукеш Доммараджу (иккиси ҳам Ҳиндистон), Аниш Гири, Йорден Ван Форест (иккиси ҳам Нидерландия), Винсент Кеймер (Германия), Богдан-Даниель Дик (Руминия), Иван Сарич (Хорватия).

Мусобақа формати ва вақт назорати:

Рапид: 25 дақиқа + 10 сония (9 раунд)

Блиц: 5 дақиқа + 2 сония (18 раунд)

Турнирнинг иккинчи куни рапид бўйича яна 3 та тур партиялари ўйналди. Нодирбек Абдусатторов 4-турда франциялик Максим Вашье-Лаграв билан дуранг ўйнади. Кейин 5-турда ҳиндистонлик азалий рақиби Рамешбабу Праггнанандҳани мағлубиятга учратди. Бу унинг ушбу турнирдаги илк ғалабаси бўлди. Олтинчи турда эса 25-юришдаёқ нидерланлиялик Йорден Ван Форест билан муроса йўлини танлади.  

Олтинчи турдан сўнг Нодирбек Абдусатторов 6 очко билан 6-ўринни эгаллаб турибди. Турнир жадвалижа француз Алиреза Фирузджа 10 очко билан якка пешқадамлик қилмоқда. Винсент Кеймер, Гукеш Доммараджу, Максим Вашье-Лаграв ва Богдан-Даниэль Дик ҳисобида 7 очкодан бор.