SuperUnited Rapid & Blitz Croatia 2026. Нодирбек Абдусатторов рапид турнирини Топ-3`да якунлади

Grand Chess Tour’нинг учинчи босқичи ҳисобланган SuperUnited Rapid & Blitz Croatia 2026 турнирида ҳамюртимиз Нодирбек Абдусатторов ҳам иштирок этяпти. Мусобақа рапид ва блиц бўйича ўтказилаётган бўлиб, 10 нафар гроссмейстер бош соврин учун баҳс олиб бормоқда. 

Турнир иштирокчилари: Нодирбек Абдусатторов, Алирежа Фирузджа, Максим Вашье-Лаграв (иккиси ҳам Франция), Рамешбабу Праггнанандҳа, Гукеш Доммараджу (иккиси ҳам Ҳиндистон), Аниш Гири, Йорден Ван Форест (иккиси ҳам Нидерландия), Винсент Кеймер (Германия), Богдан-Даниель Дик (Руминия), Иван Сарич (Хорватия).

Мусобақа формати ва вақт назорати:

Рапид: 25 дақиқа + 10 сония (9 раунд)

Блиц: 5 дақиқа + 2 сония (18 раунд)

Турнирнинг рапид баҳслари доирасида ўтказилган 9 та тур партияларида Нодирбек Абдусатторов 11 очко тўплаб, кучли учликдан жой олди. У кечаги учта учрашувда ижобий натижа қайд этди ва 6-поғонадан 3-ўринга кўтарилди. Гроссмейстеримиз амалдаги жаҳон тожи соҳиби ҳиндистонлик Гукеш Доммараджу билан дуранг ўйнаб, пешқадам Алиреза Фирузджа ҳамда хорватиялик Иван Сарични мағлубиятга учратди. 

Бугун мусобақада блиц турнирига старт берилади.