21 фев 07:44
Янгиликлар

Теннис

Свитолина Мугурусага учтагина гейм берди

БААнинг Дубай шаҳри мезбонлик қилаётган нуфузли WTA турнири ўзининг қизғин палласига кирди.

Дунёнинг олтинчи ракеткаси Элина Свитолина иккинчи давра учрашувида осон ғалабага эришди. Украиналик теннис маликаси рейтингнинг 19-поғонасидан жой олган испаниялик Гарбин Мугурусадан устун келди.

Олтмиш икки дақиқа давом этган баҳсда Элина рақибасини 6/1, 6/2 ҳисобида мағлуб этди. Энди 24 ёшли Свитолина Dubai Duty Free Tennis Championships турнирининг учинчи даврасида испаниялик яна бир теннисчи Карла Суарес Наваррога қарши кортга чиқади.