Таэквондо. Нажмиддин Қосимхожиев Жаҳон чемпиони!

Ўзбекистон терма жамоаси аъзоси Нажмиддин Қосимхожиев (-74 кг) таэквондо WТ бўйича катталар ўртасидаги Жаҳон чемпионатида олтин медални қўлга киритди.

Ҳамюртимиз финал баҳсида Бразилия вакили Эдивал Понтес билан тўқнаш келди. Шиддатли руҳда кечган баҳсда Қосимхожиев 2:0 ҳисобида ғалаба қозониб, олтин медалга сазовор бўлди. 

Шу тариқа, Нажмиддин фаолиятида илк маротаба Жаҳон чемпионати олтин медалига эга чиқди. Терма жамоамиз эса Уси-2025 Жаҳон чемпионатини 1 та олтин, 1 та кумуш ва 1 та бронза медали билан ниҳоясига етказди.