26 окт 15:04
Янгиликлар

Таэквондо

Таэквондочи Жаҳонгир Худойбердиев Жаҳон чемпионати совриндорига айланди!

Уси шаҳри мезбонлигидаги катталар ўртасидаги Жаҳон чемпионатида илк медалимизга эга чиқдик.

Терма жамоамизнинг -54 кг вазн тоифасидаги аъзоси Жаҳонгир Худойбердиев турнир ярим финалига қадар етиб бориб, финал йўлида Корея Республикаси вакили Сьё Ёнсу билан баҳс олиб борди.

Шиддатли кечган баҳсда таэквондо ватани вакилига имкониятни бой бериб қўйган бўлса-да, Жаҳонгир Худойбердиев терма жамоамиз ҳисобига Жаҳон чемпионатининг бронза медалини тақдим этди.

Шу тариқа, ёш спортчимиз Жаҳонгир Худойбердиев фаолиятида илк бор Жаҳон чемпионати совриндорига айланди. Бу терма жамоамизнинг Уси-2025 Жаҳон чемпионатидаги дастлабки медали ҳисобланади. Мусобақа давом этади.