09 янв 07:42
Янгиликлар

Бокс/ММА

Таркибида ўзбек боксчилари жанг ўтказган жамоа Сочидаги мусобақа ғолиби бўлди

Хабар бериб ўтганимиздек, 2-8 январь кунлари Сочи шаҳрида "Лига Ставок" турнири ташкил этилди.

Ушбу тижорат турнирида тўрт жамоа иштирок этди. Жамоаларга бокс юлдузлари Мурат Гассиев, Султан Ибрагимов, Дмитрий Бивол ва Эдуар Трояновский бошчилик қилганди.

Турнир давомида ўзбекистонлик боксчилар Шукуржон Раҳимов (-59 кг) ва Одилжон Аслонов (-75 кг) Мурат Гассиев жамоаси таркибида жанг қилиб, муваффақиятли иштирок этишди.

Кеча турнирнинг финал жанглари бўлиб ўтди. Унда Мурат Гассияев жамоаси Султан Ибрагимов жамоасини 4:1 ҳисобида мағлубиятга учратди.

Шу тариқа, боксчиларимиз иштирок этган Гассиев жамоаси мусобақа ғолибига айланди.

Эслатиб ўтамиз, боксчиларимиз мусобақа давомида мураббий Равшан Ходжаев бошчилигида жангларда иштирок этишди.