26 сен 20:27
Янгиликлар

Теннис

Tashkent Open. 1/2 финалчилар маълум бўлди, биринчи ракетка ютқазди

Шу кунларда пойтахтимиздаги Республика олимпия захиралари теннис мактаби кортларида WTA таснифига кирувчи Tashkent Open 2019 турнири давом этмоқда.

Соврин жамғармаси 220 000 АҚШ долларини ташкил этувчи мусобақанинг яккалик баҳсларида ярим финалчилар номи маълум бўлди. Бироз кутилмаганда турнирнинг биринчи ракеткаси Виктория Кузьмова чорак финал баҳсида мағлубият аламини тотиб кўрди.

Дунё рейтингида 56-ўринни эгаллаб турган словакиялик теннис маликаси 1 соату 15 дақиқа давом этган учрашув якунида рейтингнинг 80-поғонасидан жой олган чехиялик Кристина Плишковага 3:6, 4:6 ҳисобида имкониятни бой берди.

WTA рейтингида 61-ўринни банд этган бельгиялик Алисон ван Эйтванк эса франциялик Полин Пармантьедан 6:2, 6:4 ҳисобида устун келди. Ярим финалга руминиялик Сорана Кирстя ҳамда украиналик Катарина Завацкая ҳам йўл олди.