22 сен 07:19
Янгиликлар

Теннис

Tashkent Open турнирига қуръа ташланди. Сабина, Нигина ва Оқгул рақибларини билиб олишди

Эртага пойтахтимизда теннис бўйича соврин жамғармаси 250 000 АҚШ долларини ташкил қилувчи WTA турнирининг асосий тўр баҳсларига старт берилади.

Дунё рейтингида 53-ўринни эгаллаб турган словакиялик Виктория Кузьмова Tashkent Open турнирининг биринчи рақамли теннисчиси сифатида сараланди. У илк даврада америкалик Франческа Ди Лоренцога қарши кортга чиқади.

Мусобақанинг амалдаги ғолибаси Маргарита Гаспарян иккинчи рақам остида ҳаракат қиладиган бўлди. Россиялик теннис маликаси чемпионлик ҳимоясини швейцариялик Штефани Фогелега қарши баҳс билан бошлайди.

Ўзбекистонлик уч нафар теннисчига асосий тўрда тўғридан-тўғри қатнашиш ҳуқуқини берувчи имтиёзли йўлланма тақдим этилди. Сабина Шарипова биринчи босқичда черногориялик Данка Ковинич, Оқгул Омонмуродова бельгиялик Есалин Бонавентуре, Нигина Абдураимова эса руминиялик Моника Никулескуга қарши кортга чиқадиган бўлди.