25 сен 11:53
Янгиликлар

Теннис

Tashkent Open. Звонарёва ғалаба билан бошлади

Хабар берганимиздек, шу кунларда пойтахтимизда теннис бўйича Tashkent Open турнири бўлиб ўтмоқда.

Соврин жамғармаси 250 000 АҚШ долларини ташкил қилувчи мусобақанинг яккалик баҳсларида биринчи босқичнинг яна бир учрашуви якунланди. Унда россиялик таниқли теннисчи Вера Звонарёва словакиялик Тамара Зиданшекка қарши кортга чиқди.

Бир соату 15 дақиқа давом этган баҳс якунида дунё рейтингида 134-ўринни эгаллаб турган Звонарёва турнирнинг учинчи ракеткаси бўлган Зиданшекни 6:1, 6:4 ҳисобида мағлуб этди. Энди Вера 1/8 финалда венгриялик Фанни Столларга қарши баҳс олиб боради.