16 ноя 07:46
Янгиликлар
Бокс/ММА
Тайсон Фьюри бу йил рингга қайтмайди
Супероғир вазнда WBC йўналиши чемпиони Тайсон Фьюри 2020 йил ҳисобидан бошқа жанг ўтказмасликка қарор қилди.
Британиялик жаҳон чемпиони декабрь ойида камарини ҳимоя қилишни режалаштирганди. Фьюри 5 декабрь куни германиялик Агит Кабайелга қарши рингга чиқиши керак эди. Лекин Тайсоннинг жамоаси кутилмаганда бу жангдан воз кечди.
Бунга сабаб сифатида собиқ WBC чемпиони Деонтей Уайлдернинг британияликдан учинчи жангнинг ўтказилишини талаб қилаётгани кўрсатилмоқда. Шунингдек, Фьюри Энтони Жошуа - Кубрат Пулев жанги ғолибига қарши бирлаштирувчи чемпионлик жангида рингга чиқмоқчи.
Маълумот учун, Тайсон Фьюри сўнгги жангини шу йилнинг февраль ойида Деонтей Уайлдерга қарши ўтказиб, рақибини техник нокаутга учратган ва камарини тортиб олган эди.
Ҳавола :
Фикрлар