03 мар 10:31
Янгиликлар

Бокс/ММА

Тайсон Фьюри: Уайт билан жанг фаолиятимдаги сўнггиси бўлади

Супероғир вазн тоифасида WBC йўналиши чемпиони Тайсон Фьюри нафақага чиқиш фурсати етганини маълум қилди.

Британиялик жаҳон чемпиони ватандоши Диллиан Уайтга қарши жангдан сўнг қўлқопларини михга илади.

"Уайтга қарши жанг фаолиятимдаги сўнггиси бўлади. Шу жангдан кейин нафақага чиқаман. Банкда 150 миллион доллар пулим бор, соғлиғим жойида, ёшман, катта яхта сотиб олмоқчиман", — дея Фьюрининг сўзларини келтирмоқда Daily Star нашри.

Эслатиб ўтамиз, Тайсон Фьюри - Диллиан Уайт жанги 23 апрель куни "Уэмбли" стадионида бўлиб ўтади.