04 дек 12:33
Янгиликлар

Бокс/ММА

Тайсон ва Рой Жонсга "Қизил майдон"да жанг ўтказиш таклиф этилди

Бокс афсоналари - Майк Тайсон ва Рой Жонсга Москва шаҳридаги "Қизил майдон"да реванш жангини ўтказиш таклифи берилди.

Бу ҳақида Россия бокс федерацияси бош котиби Умар Кремлёв хабар берди.

"Менга шу ёшда ҳам тезкор бокс намойиш этган афсоналарнинг жанги маъқул келди. Бу чегараси йўқ бокс спорт турининг янада оммалашишига ёрдам беради. Улар исталган ёшда бокс билан шуғулланиш мумкинлигини исботлашди. Агар реванш жангини Халқаро бокс кунида "Қизил майдон"да ташкил эта олсак, бу ажойиб иш бўлар эди. Балки, Тайсон Россия фуқаролигини олишни истаб қолар. Биз бунга тайёрмиз", - дея Кремлёвнинг сўзларини келтирмоқда ТАСС.

Эслатиб ўтамиз, ўтган якшанба куни Лас-Вегас шаҳрида 54 ёшли Тайсон ҳамда 51 яшар Рой Жонс ўртасидаги жанг ташкил этилганди. Саккиз раунд (ҳар бири икки дақиқадан) тўлиқ давом этган жанг дуранг натижа билан якунланган эди.