Тим Цзю камар учун жанг ўтказди

"Уин Энтертеймент Центр" аренада ўтган оқшомнинг асосий жанги ўрта вазн тоифаси вакиллари австралиялик Тим Цзю ва албаниялик Денис Нурджа ўртасида кечди. Жанг бошидаёқ Тим рақиби билан бош тўқнашувидан кейин жароҳат олди, аммо бу унинг жангда етакчиликни қўлга киритишига тўсқинлик қилмади.

Тўртинчи раундда Цзю чап қўли билан Нурджани нокдаун ҳолатига тушириб қўйди. Жанг тўлиқ 10 раунд давом этди ва Тим якунда ҳакамларнинг якдил қарори билан ғалаба қозонди. Уччала ҳакам ҳам 100-88 ҳисобидаги ғалабани австралияликка тақдим этишди. Ушбу ғалаба Тимга вакант бўлиб турган WBO International камарини келтирди.

Маълумот учун, 31 ёшли Тимнинг ғалабалари 27 тага (18 таси муддатидан аввал) етди. Мағлубиятлари 3 талигича қолди. 32 яшар Денис эса бугун фаолиятидаги илк мағлубиятини қабул қилиб олди. Ҳисобида 20 та ғалаба (9 таси муддатидан аввал) бор. 

Машҳур Константин Цзюнинг тўнғич ўғли навбатдаги жангини америкалик тажрибали Эррол Спенсга қарши ўтказиши кутилмоқда.