Тимофееванинг Ўзбекистон фуқаролигини олиши ITF ва WTA қоидалари доирасидами? Бош котиб жавоб берди

Ўзбекистон теннис федерацияси бош ктиби Сардор Комилов Тимофееванинг Ўзбекистон фуқаролигини олиши Халқаро теннис федерацияси (ITF) ҳамда Аёллар теннис ассоциацияси (WTA) қоидалари доирасида амалга оширилганини маълум қилди. 

"Биз Мария Тимофеевани Ўзбекистон терма жамоаси сафида кутиб олишдан мамнунмиз. У халқаро теннис майдонларида мамлакатимиз мавқеини мустаҳкамлашга қодир бўлган кучли, шижоатли ва интилувчан спортчидир. Трансфер тўғрисидаги қарор ITF ва WTA қоидаларига тўлиқ мувофиқ равишда амалша оширилди. Ишончимиз комилки, унинг тажрибаси ва юқори даражадаги ўйини ёш авлод спортчиларини илҳомлантиради ва Ўзбекистонда теннисга қўшимча эътибор қаратишга ёрдам беради" - деди Комилов.