08 апр 16:37
Янгиликлар

Бокс/ММА

Тони Фергюсон Хабиб ва Конорни "латта" деб атади

Америкалик UFC жангчиси Тони Фергюсон Хабиб Нурмагомедов ва Конор Макгрегор ҳақида қандай фикрда эканлигини айтди.

"Хабиб ва Конорга алоҳида айтар гапларим йўқ. Мендаги маълумотларга кўра уларнинг ҳар иккиси ҳам фаолиятини якунлади. Мен уларга анча олдин бу ишни қилишларини айтгандим. Майли, ҳечдан кўра кеч. Бу ҳақиқий эркаклар спорти, "латталар"ники эмас", - дея кескин оҳангда фикр билдирган Фергюсон Твиттер саҳифасида.

Эслатиб ўтамиз, Тони Фергюсон 18 апрель куни Хабиб Нурмагомедовга қарши чемпионлик жангида октагонга чиқиши керак эди. Лекин коронавирус сабаб Хабибнинг бу жангда қатнашмаслиги маълум бўлди. Унинг ўрнини эса UFC 249 турнирида Жастин Гэтжи эгаллади.