Тошкент шаҳар Жисмоний тарбия ва спорт бошқармасининг байрам тадбиридан ФОТОРЕПОРТАЖ

Устоз, Ўқитувчи, Муаллим, Мураббий. Бу сўзларда қанчадан-қанча маъно бор. Зеро, эсимизни танигандан илк онларидан бошлаб, ана шундай зотлар бизни қўлимиздан тутиб келмоқда. Абдулла Авлоний “Ҳар бир миллатнинг саодати, давлатнинг тинчи ва роҳати ёшларнинг яхши тарбиясига боғлиқдир” - деган. 

Демак, устозларнинг зиммасига жуда ҳам буюк, масъулиятли вазифа юклатилган. Бу ҳам бўлса, келажаги буюк давлат учун комил, ҳар томонлама етук ва баркамол, маънан пок, ватанпарвар инсонларни тарбиялаб чиқариш вазифасидир.

Ўқитувчи ва мураббийлик юксак сабр ва матонат талаб қиладиган касб. Шундай экан, уларга қанча хизмат қилсак ва эҳтиром кўрсатсак, шунча кам.

Тошкент шаҳар Жисмоний тарбия ва спорт бошқармаси томонидан ушбу қутлуғ санага бағишлаб байрам тадбири ташкил этилди. Маросимда Ўзбекистон Республикаси Жисмоний тарбия ва спорт вазири ўринбосари Шарифжон Мўминжонов, шунингдек, Республика Олий спорти маҳорати мактаблари директорлари ҳамда вазирлик тизимидаги давлат спорт-таълим муассасалари раҳбарлари, тренер-ўқитувчилар иштирок этди.

Тадбирда “Ўқитувчи ва мураббийлар куни” муносабати билан спорт соҳасида фаолият юритаётган бир гуруҳ устозлар, тренер-ўқитувчиларга Ўзбекистон Республикаси Жисмоний тарбия ва спорт вазирлигининг “Жисмоний тарбия ва спорт аълочиси” кўкрак нишонлари, махсус Фахрий ёрлиқлари ҳамда Тошкент шаҳар Жисмоний тарбия ва спорт бошқармасининг Фахрий ёрлиқлари топширилди.

Суратлар муаллифи - Алимурод Мамадаминов