10 июл 13:38
Янгиликлар
Футбол
Трамп Клублар ўртасидаги ЖЧ финалига келади
АҚШ президенти Дональд Трамп шу якшанба куни Нью-Жерси штатининг Ист-Ратерфорд шаҳрида бўлиб ўтадиган Клублар ўртасидаги Жаҳон чемпионати финал ўйинида иштирок этиш ниятида эканлигини маълум қилди.
Америка етакчиси бу ҳақда Вазирлар маҳкамаси йиғилишида айтди.
ФИФА президенти Жанни Инфантино АҚШга турнирни ташкил этишдаги фаол ёрдами учун миннатдорлик билдирди:
"Биз Америка ҳукумати ва шахсан президентдан, жумладан, Оқ уй ишчи гуруҳидан катта ёрдам олдик. Бу амалдаги Клублар ўртасидаги Жаҳон чемпионатига ҳам, келаси йили бўлиб ўтадиган футбол бўйича Жаҳон чемпионати учун тайёргарликка ҳам тегишли", – деди Инфантино.
Эслатиб ўтамиз, Дональд Трамп спорт кун тартибида фаол иштирок этади. Иккинчи муддати давомида у Супербоул финалида қатнашган биринчи президентга айланди ва Вашингтонда НФЛ 2027 драфти ўтказилиши ҳақида эълон берди.
Ҳавола :
Манба : ESPN
Фикрлар