Уайлдер Фьюридан мағлубият ҳақида: Сувимга нимадир қўшиб қўйишганди

Америкалик жангчи бу сафар Фьюридан қабул қилиб олган мағлубиятига яна бир баҳона ўйлаб топди. Аввалига у "Лўлилар қироли"дан учралган мағлубиятига қўлқопларни айбдор қилиб кўрсатганди. Энди эса жиддий айблов қўйди. 

"Жангга 15 дақиқа қолган бир пайтда мен мураббийим билан лапада ишлаётгандик. Ўша пайтда ҳаммаси идеал эди. Ўзимни жуда яхши хис этаётгандим. Рингга чиққунимга қадар ҳам ҳаммаси зўр эди. Ҳаммаси рингда бошланди. Танамдаги сув меъёрини ушлаб туриш учун сув ичдим. Шундан кейин ўзимни бошқача хис қила бошладим. Бўғим ва мушакларим холсизланиб, оғриқ юзага келди. Оёқларим ўзимга бўйсунмаётганди. Кимдир менинг сувимга нимадир қўшиб қўйганди", - дейди Уайлдер.

Эслатиб ўтамиз, Фьюри Уайлдерни 7-раундда техник нокаутга учратиб, номдор чемпионга фаолиятидаги илк мағлубиятни тақдим этган эди. Ўшанда америкаликнинг бурчагидагилар рингга мағлубиятни тан олувчи оқ сочиқ улоқтиришганди.