09 июн 09:07
Янгиликлар
Бокс/ММА
"Уайлдер Фьюрини нокаут қилиши шарт"
Америкалик собиқ боксчи Антонио Тарвер 24 июль кунига белгиланаётган Деонтей Уайлдер ва Тайсон Фьюри ўртасидаги жанг ҳақида ўз фикрини билдирди.
"Бу ажойиб манзара. Уайлдер бу жангга эришди. У Фьюрини Жошуа билан эмас, ўзи билан жанг қилишга мажбур қилди. Фикримча, энди Уайлдер Фьюрини нокаут қилиши шарт. Бошқаси мухлисларни қониқтирмайди. Ҳаттоки, очколар ҳисобидаги ғалаба ҳам мухлисларга етарли бўлмайди. Сабаби, улар барибир Фьюри ва Жошуа ўртасидаги жангни кўришни хоҳлашларини эслашади", - деди Тарвер.
Эслатиб ўтамиз, Деонтей Уайлдер Спорт арбитраж судида Тайсон Фьюри билан учинчи жанг ўтказиш ҳуқуқини қўлга киритганди. Бу орқали Тайсон Фьюри ва Энтони Жошуа ўртасидаги узоқ кутилган жанг барбод бўлганди.
Ҳавола :
Манба : championat.com
Фикрлар