13 дек 17:30
Янгиликлар
Бокс/ММА
Уайлдер: "Пол — Жошуа? Мен бундай жангларга кўргазмали тўқнашув сифатида қарайман"
WBC йўналишида собиқ жаҳон чемпиони, америкалик Деонтей Уайлдер Энтони Жошуа ва Жейк Пол ўртасида бўладиган жанг ҳақида фикр билдирди.
Жанг 19 декабрь куни АҚШнинг Майами шаҳрида ўтказилади. Уайлдернинг фикрича, бу жангда Жошуа ғалаба қозонади.
"Жейк Пол — Жошуа? Мен бундай жангларга кўргазмали тўқнашув сифатида қарайман — томошабинларга завқ улашиш учун. Бу жанглар асосан спортчилар яхши пул ишлаб олиши ва бир оз кўнгилхушлик қилишлари учун ўтказилади. Бу Жейкнинг ҳақиқий спортчига қарши илк жанги бўлади, шунинг учун нима бўлишини кўриш қизиқ. Лекин агар жанг натижаси олдиндан сценарийда ёзилмаган бўлса, мен Жошуани танлайман", — деди Уайлдер.
Ҳавола :
Манба : championat.com
Фикрлар