25 фев 12:16
Янгиликлар
Бокс/ММА
"Уайт Фьюрини нокаутга учрата олади"
Таниқли промоутер даъвогарнинг чемпионлик жангида ғалаба қозониш имкониятларини баҳолади.
Британиялик промоутер Эдди Хирн оғир вазн тоифасида WBC чемпиони Тайсон Фьюри ва мажбурий даъвогар Диллиан Уайт ўртасидаги бўлажак жанг ҳақида гапирди. Менежернинг сўзларига кўра, Уайтда "Лўлилар қироли"ни мағлуб этиш ва жаҳон чемпиони бўлиш учун барча имконият бор.
"Мен Диллианнинг жаҳон чемпиони бўлишини истайман. Буни чин дилдан айтяпман. Менимча, Уайт Тайсон Фьюрини нокаутга учрата олади. Бу жуда қийин жанг бўлади.
Албатта, Фьюри ажойиб оғир вазнли боксчи. Аммо, Диллиан кўчадан келган йигит эмаслигини тушунишингиз керак. Агар бу учрашувда Фьюри бир сонияга бўлса ҳам қўлини туширса, Диллиан уни нокаутга учратади. Келинг, ҳаммасини тўқнашувда билиб олайлик", - деди Хирн Мatchroom Boxing нашрига берган интервьюсида.
Ҳавола :
Манба : isport
Фикрлар