10 сен 11:30
Янгиликлар

Бокс/ММА

Уайт Тайсон Фьюрига "ответ" қилди

Супероғир вазн тоифасида вақтинчалик WBC чемпиони Диллиан Уайт ушбу йўналишнинг тўлақонли чемпиони Тайсон Фьюрининг ҳақоратига жавоб қайтарди.

Аввалроқ "Лўлилар қироли" Уайтни "қоп"га ўхшатганди.

"Бу масҳарабозга бир эмас, икки маротаба мен билан жанг қилишни таклиф этишган. Лекин у ҳар икки ҳолатда ҳам рад жавобини берган. Ўйлайманки, сиз мухлислар бу қўрқоқни жангга розилик беришига кўндира оласизлар. Мен ҳамон ўша позициядаман, яъни жангга тайёрман. Қўрқоқни рингда кутаман ва уни ўша ерда йўқ қиламан", - дея Уайтнинг сўзларини келтирмоқда Dailystar нашри.

Маълумот учун, Диллиан Уайт шу йилнинг декабрь ойида рингга қайтишни режалаштирмоқда. Тайсон Фьюри эса 9 октябрь куни Лас-Вегас шаҳрида Деонтей Уайлдерга қарши трилогия жангида рингга кўтарилади.