Уч дзюдочимиз "Russian Judo Tour" мусобақасида шоҳсупага кўтарилди, Сарсенбаев чемпион бўлди!

Иван Яригин номидаги спорт саройида ўтган нуфузли мусобақада мезбонлардан ташқари ўндан ортиқ давлатдан келган дзюдочилар бир нечта вазн тоифасида медаллар учун баҳс олиб боришди. 

Юртимиз шарафини 5 дзюдочимиз ҳимоя қилди ва улардан 3 нафари якунда ўз вазнларида шоҳсупага кўтарилди. -100 кг вазнда курашган Ўзбекистон терма жамоаси аъзоси Эрназар Сарсенбаевга тенг келувчи рақиб топилмади. У финал баҳсида россиялик Асан Аугалиевни мағлубиятга учратди. Севинч Исоқова (-63 кг) кумуш, Камолиддин Бахтиёров (-60 кг) эса бронза медалига сазовор бўлди.