12 апр 08:37
Янгиликлар

Теннис

Уч кунга чўзилган учрашувда Сабина мағлубиятга учради

Туркиянинг Истанбул шаҳрида теннис бўйича аёллар ўртасида мукофот жамғармаси 60 000 АҚШ долларини ташкил этувчи мусобақа бўлиб ўтмоқда.

Мусобақада ҳамюртимиз Сабина Шарипова ҳам иштирок этаётган эди. Турнирда учинчи рақам остида сараланган Шарипова словакиялик Яна Чепеловага қарши кортга чиқди. Биринчи сетда Сабина 0:6 ҳисобида ютқазди. Иккинчи сетда у мувозанатни тиклади - 6:4.

Ҳал қилувчи учинчи сетнинг бешинчи геймидан сўнг баҳс ёмғир сабаб тўхтатилди. Бу пайтга келиб Чепелова 3:2 ҳисобида олдинда бораётган эди. Айнан тинимсиз ёмғирлар сабаб бу учрашув икки кундан сўнг якунлаб қўйилди. Учинчи сетда 6:4 ҳисобида зафар қучган Чепелова кейинги босқичга йўл олди.