07 мар 09:10
Янгиликлар

Бокс/ММА

Уч нафар оғир вазнли рус жангчиси PFL Гран-присида октагонга чиқади

Оғир вазн тоифасидаги россиялик аралаш яккакураш усталари PFL Гран-при турнирида иштирок этади.

Ушбу турнир 1 май куни АҚШнинг Орландо шаҳрида старт олади. Унда оғир вазнли рус жангчиларидан Валентин Молдавский, Олег Попов ва Сергей Билостенний бош соврин учун октагонга чиқади. Ўтган йилги чемпион Денис Гольцов бу йилги мавсумда иштирок этмайдиган бўлди.

Юқорида номлари тилга олинган уч россияликдан ташқари молдовалик собиқ UFC жангчиси Александр Романов, америкалик Тим Жонсон, эронлик Пуйя Раҳмани ҳамда британияликлар Линтон Васселл ва Абрахам Бэбли ҳам чемпионлик учун курашга киришади.

Оғир вазнлилар Гран-присининг 1/4 финал жуфтликлари кейинроқ эълон қилинади. Бу йилги турнир Олимпия тизимида ўтказилади. Чемпион бўлиш учун учта жангда ғалаба қозониш талаб этилади. Чемпион 500 000 АҚШ долларини қўлга киритади.