03 апр 13:19
Янгиликлар

Теннис

Учинчи ракеткани мағлуб этган Фомин 1/2 финалда ўйнайди

Мамлакатимизнинг биринчи ракеткаси Сергей Фомин Хитойнинг Мааншан шаҳрида давом этаётган ITF M25 турнирининг ярим финал иштирокчисига айланди.

Ҳамюртимиз бугун мусобақанинг чорак финали доирасида турнирда учинчи рақам остида таснифланган британиялик Чарльз Брумга қарши баҳс олиб борди. Икки соату 20 дақиқа давом этган учрашувда Фомин уч сет якунига кўра 3/6, 6/3, 6/4 ҳисобларида зафар қучди ва ярим финалга йўл олди.

Эртага Сергей Фомин финал чиптаси учун Хитой Тайпейи вакили Ли Куан-Йига қарши кортга чиқади. Рейтинги йўқ бўлган Ли бугун 1/4 финалда турнирнинг биринчи ракеткаси, россиялик Илия Симакиндан 6/4, 4/6, 7/6(6) ҳисобида устун келиб, яхшигина шов-шув кўтарди.

Таққослаш учун, ҳозирда Сергей Фомин ATP рейтингида 336, Чарльз Брум 244-ўринни эгаллаб турибди. Фомин - Ли учрашуви эртага бизнинг вақт билан соат 07:00да бошланади.